Бахшида ба Рӯзи забони давлатӣ дар маҷлисгоҳи мақомоти иҷроияи ҳокимияти давлатии ноҳия ҷамъомади тантанавӣ баргузор гардид.
Дар ҷамъомад раиси ноҳия Бадриддин Садриддинзода сухан намуда, сокинони ноҳияро ба муносибати иди забон табрик намуд.
Зимни суханронӣ раиси ноҳия изҳор дошт, ки дар тӯли таърихи дурударози халқамон забони мо дар ҳастӣ ва шинохти миллати фарҳангдӯст ва тамаддунсозамон нақши сарнавиштсоз доштааст, ки инро осори арзишманди гузаштагонамон бо чандин анвои хат ба хубӣ собит менамояд. Дар идома қайд намуд: “Асосгузори сулҳу Ваҳдати миллӣ –Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба нақши забон дар зиндагии мо ва арҷгузорӣ ба рушду нумӯи он таъкид доштанд: «Забон барҷастатарин ва гӯётарин поя, шиноснома ва нишону бақои ҳар як халқу миллат аст».
Бахшида ба ин сана аз ҷониби мақомоти иҷроияи ҳокимияти давлатии ноҳия ба шахсони арзанда, ки да рушди забони давлатӣ саҳми сазовор гузоштаанд, сипоснома тақдим карда шуд.
