Бо иқдоми Вазорати фарҳанги Ҷумҳурии Тоҷикистон барномаи консертии сарояндаи маъруфи Ҷумҳурии Ӯзбекистон Севинч Мӯъминова дар шаҳру ноҳияҳои ҷумҳурӣ баргузор гардид. Аз ҷумла, сарояндаи маъруф ба ноҳияи Қубодиён сафари ҳунарӣ анҷом дода, дили мухлисонашро бо савту таронаҳои дилчасп шод намуд. Барномаи консертии вай дар Варзишгоҳи марказии ноҳия (арена) бо иштироки беш аз 4 ҳазор мухлисон баргузор гардид. Ҳамчунин сароянда зимни ибрози андеша изҳор намуд, ки аз Тоҷикистон, бахусус аз ноҳияи Қубодиён таассуроти мусбӣ бардошта, дар оянда ният дорад, ки боз сафарҳои ҳунарии худро ба ин минтақа ба роҳ монад.
