Мақомоти иҷроияи ҳокимияти давлатии ноҳия дар арафаи соли нави мелодӣ б мақсади дастгирии шахсони ниёзманд ба 5 нафар шахсони имконияташон маҳдуд ба маблағи ҳашт ҳазор сомонӣ аробачаи маъюбӣ тақдим намуд.
Аз ҷумла Полвонова Заринаи ҳаштсола, ки маъюби гурӯҳи 2 мебошад, соҳиби аробачаи маъюбии кӯдакона шуда, модараш аз ин тӯҳфаи барои онҳо гаронбаҳо хушнуд гардида, изҳори миннатдорӣ намуд.
Гуфта мешавад, давоми соли равон аз ҷониби мақомоти иҷроияи ҳокимияти давлатӣ, бо ҷалби ташкилоту муассисаҳо, иттиҳодияҳои динӣ ва шахсони саховатпеша ба мақсади ҳифзи иҷтимоии аҳолӣ ба маъюбон, кӯдакони ятим, иштирокчиёни Ҷанги Бузурги Ватанӣ, собиқадорони меҳнат ва оилаҳои эҳтиёҷманд дар арафаи иду ҷашнҳо наздики 800 ҳазор сомонӣ кумаки молиявӣ ва моддӣ расонида шуда, дар арафаи Соли нави мелодӣ ин иқдом идома меёбад.
