Дар асоси Нақшаи чорабиниҳои муштараки бахшҳои кор бо ҷавонон ва варзиши ноҳия, кор бо занон ва оила ва фарҳанги мақомоти иҷроияи ҳокимияти давлатии ноҳия бо сокинони маҳаллаи Ёбузи Ҷамоати шаҳраки Қубодиён бо иштироки намояндаи мақомоти иҷриояи ҳокимияти давлатии вилояти Хатлон вохӯрӣ баргузор гардид.
Дар ин вохӯрӣ бобати нуктаҳои асосии Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки санаи 26 декабри соли 2018 ба Маҷлиси Олии Ҷумҳурии Тоҷикистон ироа гардид, инчунин пешгирии шомилшавии ҷавонон ба ҳизбу ҳаракатҳои иртиҷоӣ, ҷинояту ҷинояткорӣ байни наврасону ҷавонон ва занон пешгирӣ намудани афзоиши сироятшавӣ ба бемориҳои сироятӣ, аз ҷумла ВНМО, пешгирии бекоршавии ақди никоҳ, даъвати ҷавонон ба сафи Қувваҳои Мусаллаҳи Ҷумҳурии Тоҷикистон ва саҳмгузории сокинон ба корҳои ободонию созандагӣ корҳои тарғиботиву ташвиқотӣ ва фаҳмондадиҳӣ доир карда шуд.
