Ҳайати омӯзгорон ва донишҷӯёни Муассисаи давлатии “Коллеҷи омӯзгории ноҳияи Қубодиён” бахшида ба Рӯзи дониш ҷамъомад доир намуданд.
Дар ин ҷамъомад директори Коллеҷ Ғаюрзода Акбаралӣ ҳозиринро ба ифтихори Рӯзи дониш табрик намуда, изҳор дошт, ки Давлату Ҳукумат бо сарварии Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон ба рушди илму фарҳанг ва маънавиёти ҷомеа, махсусан ба таълиму тарбияи насли наврас эътибори аввалиндараҷа дода, барои пешрафти мактабу маориф ва тайёр намудани мутахассисони соҳиби донишу малакаи баланди касбӣ ҳамаҷониба мусоидат менамоянд.
Сипас аҳли кормандон ва донишҷӯни Коллеҷи омӯзгории ноҳия ба таври дастаҷамъона баргузории дарси сулҳ, ки аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Донишкадаи идоракунии давлатии назди Президенти Ҷумҳурии Тоҷикистон баргузор гардида, тавассути шабакаҳои давлатии телевизион намоиш дода шуд, тамошо намуданд.
