Дар толори қасри фарҳанги ноҳия бахшида ба иди касбии табибон чорабинии тантанавӣ ва идона баргузор гардид.
дар ин чорабинӣ раиси ноҳияи Қубодиён муҳтарам Зафар Файзуллозода табибони ноҳияро ба муносибати ин сана табрик намуда, саломатиро барои инсон давлати бузург ва қиматтар аз зару гавҳар унво карда, арз дошт, ки онро маҳз табибон ва кулли кормандони соҳаи тадурустӣ барои мо ҳифз мекунанд.
Қайд гардид, ки мақомоти иҷриояи ҳокимияти давлатии ноҳия баҳри рушду инкишофи соҳаи тадурстӣ ва баланд бардоштани сатҳи хизматрасонии тиббӣ дар ноҳия таоми чораҳоро амалӣ намуда, барои табибон тамоми шароити мусоиди кориро фароҳам месозад.
Дар рафти чорабинӣ кормандони арзандаи соҳа ва собиқадорон бо нишон қадрдонӣ аз ҷониби мақомоти иҷроияи ҳокимияти давлатии ноҳия бо сипоснома ва туҳфаҳои хотиравӣ сарфароз гардонида шуданд.
Дар идома бахши фарҳанги ноҳия барномаи рангини консертиро пешкаши ҳозирин намуд.
