Санаи 30 апрели соли ҷорӣ дар Вазорати рушди иқтисод ва савдои кишвар муҳокимаи натиҷаҳои ҷараёни иҷрои «Барномаи рушди иҷтимоию иқтисодии ноҳияи Кубодиён барои солҳои 2016-2020» аз ҷониби гурӯҳи кории байниидорави оид ба гузаронидани таҳлил ва баҳодиҳии ҷараёни иҷрои барномаҳои соҳави ва минтақави дар соли 2019 баргузор гардид.
Барномаи мазкурро мудири бахши иқтисод ва савдои мақомоти иҷроияи ҳокимияти давлатии ноҳия Абдумалик Пошоқулов муаррифӣ намуда, оид ба рафти иҷрои он ва пешниҳодҳо ҷиҳати ҳалли мушкилиҳои ҷойдошта гузориш дод.
Қайд гардид, ки ба ҳолати 1 апрели соли 2019 ҳамагӣ 29 лоиҳа амалӣ гардида, 28 лоиҳаи дигар дар амал қарор дошта, маблағи азхуд кардашуда 32,3 млн. сомонӣ, ё ин ки 57,1 фоиз аз нақшаи пешбинишуда, ё худ 29,8 фоиз аз арзиши умумии Барномаро ташкил менамояд.
