Дар толори мақомоти иҷроияи ҳокимияти давлатии ноҳия вохӯрии гуруҳи кории тибқи нақшаи чорабинии прокуратураи вилояти Хатлон таъсисдодашуда бо кормандони соҳаи тиб, сартарошхонаҳо ва кошонаи ҳусн баргузор гардид.
Вохӯрии мазкур таҳти раёсати сардори Раёсати тандурустии вилоят Маллазода Саъдулло баргузор гардида, намояндаи прокуратураи вилоят Султонзода Баҳодур вобаста ба шарҳу эзоҳи суханронии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сухан намуда, оид ба фаъолияти шаффоф ва оинномавии табибон таъкид намуд.
Номбурда зимни суханронӣ доир ба тағйиру иловаҳо ба Кодекси ҳуқуқвайронкунии маъмурӣ маълумот дода, таъкид дошт, ки нисбат ба вайронкунандагони талаботи қонун дар ин самт татбиқи қонун сангинтар гаштааст.
Бо муроҷиат ба табибоне, ки гирифтани хун ва дигар амалиётҳои ҷарроҳи сари кор доранд, ин чунин ба сартарошон ва ороишдиҳандагони мӯю бадан таъкид карда шуд, ки зимни иҷрои вазифа аз асбобҳои якдафъаина ва ё шахсии беморону муштариён истифода намуда, аз истифодаи чандинкаратаи асбобҳо худдорӣ намоянд.
Дар ин чорабинӣ ҳамчунин намояндаи Раёсати хадамоти назорат дар соҳаи тандурустӣ ва Маркази назорати давлатии санитарию эпидемиологии вилоят вобаста ба сифати дорувориҳо ва вазъи санитарию гигиении муассисаҳои тандурастӣ ва марказҳои хизматрасонӣ иттилоъ дода, аз табибон даъват карда шуд, ки бобати масъалаи мазкур бетарафӣ зоҳир накунанд.
