Дар асоси Нақшаи чорабиниҳои муштараки бахшҳои кор бо ҷавонон ва варзиши ноҳия, кор бо занон ва оила, Комиссияи ҳифзи ҳуқуқи кӯдаки мақомоти иҷроияи ҳокимияти давлатии ноҳия бо иштироки намояндаи Раёсати кор бо ҷавонон ва варзиши вилояти Хатлон бо сокинони деҳаи Чимғилиши Ҷамоати деҳоти Заркамар ва Бошқалъаи Ҷамоати деҳоти ба номи Утақара Назаров вохӯрӣ доир карда шуд.
Дар ин вохӯрӣ бобати нуктаҳои асосии Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки санаи 26 декабри соли 2018 ба Маҷлиси Олии Ҷумҳурии Тоҷикистон ироа гардид, инчунин пешгирии шомилшавии ҷавонон ба ҳизбу ҳаракатҳои иртиҷоӣ, ҷинояту ҷинояткорӣ байни наврасону ҷавонон ва занон пешгирӣ намудани афзоиши сироятшавӣ ба бемориҳои сироятӣ, аз ҷумла ВНМО, пешгирии бекоршавии ақди никоҳ, даъвати ҷавонон ба сафи Қувваҳои Мусаллаҳи Ҷумҳурии Тоҷикистон ва саҳмгузории ҷавонон дар корҳои ободонию созандагӣ корҳои тарғиботиву ташвиқотӣ ва фаҳмондадиҳӣ доир карда шуд.
