Иҷлосияи шонздаҳуми Маҷлиси вакилони халқи ноҳия даъвати панҷум баргузор гардид, ки масъалаҳои асосии рӯзномаи иҷлосияро масъалаҳои соҳаи кишоварзӣ дарбар мегирифт.
Аз ҷумла аз рӯйи масъалаи якуми рӯзнома, роҷеъ ба рафти иҷрои барномаҳои кишварзӣ дар ноҳия муовини якуми раиси ноҳия Исҳоқ Гулҳусайнов баромад намуда, доир ба амалишавии барномаҳои соҳаи мазкур сухан намуд.
Масъулаи дуюми рӯзнома низ марбут ба соҳаи кишоварзӣ буда, ҳисоботи вакил аз ҳавзаи интихоботии №11 Абдураим Мирзоназаров дар ин маврид шунида шуд.
Вобаста ба масъалаҳои болозикр қарорҳои дахлдор қабул гардида, қарорҳои раиси ноҳия, ки байни иҷлосияҳо қабул гардида буданд, тасдиқ карда шуданд.
Гуфта мешавад дар кори иҷлосия намояндаи мақомоти иҷроияи ҳокимияти давлатии вилояти Хатлон, сардори Сарраёсати кишварзии вилоят Сироҷов Меҳнатулло иштирок намуда, вобаста ба пешбурди фаъолияти соҳаи кишоварзӣ ба масъулон супоришҳои дахлдор пешниҳод намуд.
