Дар толори мақомоти иҷроияи ҳокимияти давлатии ноҳия вохӯрии раиси суди ноҳия бо машваратчиёни халқии судии вилоятӣ ва ноҳиявӣ аз ноҳия баргузор гардид.
Дар ин вохӯрӣ судияҳои суди ноҳия Абдураҳим Назариён ва Саймаҳмуд Гулзода баромад намуда, оид ба ҳуқуқу уҳдадориҳои машваратчиёни халқӣ зимни мурофиаҳои судӣ ва тарзи иштироки онҳо дар мурофиаҳои маълумот ироа намуданд.
Мамарасулзода Саидҷаъфар, раиси суди ноҳия зимни суханронӣ иброз дошт, ки баъзе аз машваратчиёни халқӣ нисбат ба парвандаҳо ва мурофиаҳо бетафовутӣ зоҳир намуда, дар мурофиаҳо ғайрифаъол иштирок менамоянд. Ба гуфтаи вай машваратчиёни халқи зимни баррасии парвандаҳо дар мурофиаи судӣ баробари судяҳо мавқеъ доранд, бмнобар ин, барои машваратчиён зарур аст, ки дар ҳалли сарнавишти парвандаҳо, алахусус судшавандаҳо бетафовут набошанд
Дар рафти вохӯрӣ машваратчиёни халқӣ доир ба паҳлӯҳои гуногуни фаъолияти машвартчии халқӣ ба раиси суди ноҳия савол дода, ба худ посухҳои қонеъкунанда гирифтанд.
