Дар бинои нозироти андози ноҳия байни хонандагони муассисааҳои таълимӣ дар доираи озмуни ҷумҳуриявии “Маданияти андозсупорӣ – баҳои бофарҳангии ҷомеа” аз рӯи номинатсияи “Андоз аз нигоҳи наврасон” озмун баргузор гардид. Дар ин озмун наврасон назару мавқеи худро дар робита ба аҳамияти пардохти андоз дар тасвирҳо нишон доданд.
Ба қавли мутасаддиён, озмуни мазкур ба хотири баланд бардоштани маърифати наврасон, дарки масъулият ва муҳимияти пардохти андоз, тарғибу ташвиқи пардохти андоз ва татбиқи қонунгузории Ҷумҳурии Тоҷикистон дар ин самт баргузор карда мешавад.
Маҳсули эҷоди 6 нафар хонандаро ҳайати ҳакамони озмун мутобиқи талаботи озмун дониста, муаллифони онҳо ғолибони озмун эътироф шуданд. Эҷодиёти ғолибон барои иштирок дар даври навбатӣ ба вилоят пешниҳод карда мешаванд.
Мавзӯи асосии тасвирҳои хонандагон аҳамияти пардохти андоз, рушди соҳаҳои иҷтимоӣ, саривақт пардохт гардидани музди маош ва нафақаро дарбар мегирад.
Озмун дар сатҳи ноҳия дар ду номинатсия – байни хонандагони пешниҳод намудани тасвирҳо вобаста ба муҳимияти пардохти андоз бо номи Андоз аз нигоҳи наврасон” ва донишҷӯён, соҳибкорон ва дигар қишри аҳолӣ номинатсияи “Беҳтарин донандаи Кодекси андози Ҷумҳурии Тоҷикистон” баргузор мегардад.
