Дар толори мақомоти иҷроияи ҳокимияти давлатии ноҳия ҷамъбасти солонаи фаъолияти соҳаҳои иҷтимоиву иқтисодии ноҳия таҳти раёсати раиси ноҳия Бадриддин Садриддинзода баргузор гардид.
Доир ба фаълияти соҳаҳои хоҷагии халқи ноҳия дар давоми соли 2020 муовини якуми раиси ноҳия Алӣ Тоҷиев гузориш дода, изҳор дошт, ки дар маҷмӯъ соҳаҳо бо натиҷаҳои назаррас соли сипаришударо ҷамъбаст намуданд. Бо вуҷуди ин, ба гуфтаи муовини якуми раиси ноҳия, на ҳама имконият ва зарфият дар ин самт истифода гардид.
Дар маҷлиси ҷамъбастии ноҳия намояндаи Ҳукумати Ҷумҳурии Тоҷикистон, вазири меҳнат, муҳоҷират ва шуғли аҳолӣ Амонзода Ширин ва намояндаи мақомоти иҷроияи ҳокимияти давлатии вилояти Хатлон, муовини сардори Сарраёсати кишоварзии вилоят Иброҳимиён Акмал иштирок ва оид ба дурду бохти соҳаҳои хоҷагии халқи ноҳия дар давоми соли сипаришуда суханронӣ намуданд.
Дар интиҳо раиси ноҳия баҳри бартараф намудани камбудиҳо ба масъулин супоришҳои дахлдор дода, барои фаъолияти минбаъда вазифагузорӣ карда шуд.
